- کھسکتی ہوئی سیاسی زمین سے سماجوادی فکر مند
لکھنؤ:سپا( سماج وادی پارٹی) اپنی کھسکتی ہوئی زمین سے کافی فکر مند ہے ،وہ اس فراق میں ہے کہ کس طرح پارٹی کے وقار کو بحال کیاجائے اور پرانی طاقت کے ساتھ اپوزیشن پارٹیوں کا مقابلہ کیاجائے ۔خاص کروہ یوپی میں بی جے پی ، بی ایس پی کی بڑھتی ہوئی مقبولیت سے بھی کافی تشویش میں ہے ،اس لئے اس نے اعلیٰ عہدیداروں کے ساتھ ’نشست کا آغاز کر کے اس کا حل تلاش کرنے میں مصروف ہوچکی ہے ۔ ذرائع نے بتایا کہ ریاستی صدر اکھلیش یادو کی صدارت میں ایک میٹنگ ہوئی ہے جس میں لائحہ عمل تیار کیا گیا ہے کہ پارٹی کی کھوئی ہوئی مقبولیت اور طاقت کو واپس لانے کیلئے نشست کی جائے ،جس پر تمام عہدیداروں واعلیٰ لیڈران کے اتفاق رائے سے یہ میٹنگ شروع ہورہی ہے ،اس میں پارٹی کے اندر مچے گھمسان اور آپسی چپقلش کو دور کرنے کی بھی کوشش کی جائے گی ۔ساتھ ہی کار کن ناراض ہیں ان کو کسی طرح سے راضی کیاجائے اس پر بھی غور ہوگا ۔
